![صورة مقال قصائد غزل صباحية](https://wkhayal.com/wp-content/uploads/2024/06/قصائد-غزل-صباحية.webp)
قصائد الغزل الصباحي
هو نوع من أنواع الشعر الذي يتميز بتصوير مشاعر الحب والشوق والمشاعر الجياشة والمليئة بالهيام في وقت الصباح الباكر، انتقل مع من تحب إلى عالم من الخيال والرومانسية ومع هذه القصائد والاشعار الغنية بما يحتاجه العاشق.
قصائد غزل صباحية
- صباح الخير لعيونك
وجمال عيونك المغري
صباحي مر من دونك
وحلاتك تقلب المري. - قم قهوني من مبسمك لذة إشفاك
قهوة صباحي تنتهي بك فديتك
فنجال من ريقك مع لذة إحكاك
تبري عمس جوفي ليا من ضميتك. - انت اجمل شيء في طلت صباحي
وانت من يعطي صباح الخير معنى. - قوم يا عسل بشر الصبح بالخير
وش هو صباح الخير لا صرت نايم
انت الصباح اللي يسوق التباشير
من طلتك نلقى الهنا والغنايم. - أنتم صباح الخير و النور و الشوق
وأنتم صباح الذوق وأنتم صباحي. - تعال صبحني واصبحك بالهمس
بيني وبينك همس ما يسمعونك
صبح العرب يبدأ بعد مشرق الشمس
وأنا صباحي بس نظرة عيونك
يا اللي شغلت البال والقلب من امس
ابشر بقلب بالمحبة يصونك
متى نتلاقى ونشبك الخمس بالخمس
وشلون أعيش العمر كله بدونك. - يسعد صباحك يا اللي تقرا القصايد
ادري وقفت الحين عندي وتقرا
هذا صباح الخير والطيب والعيد
لجل العيون اللي تناظر وتقرا. - الله يصبح صباحك مثل ما ودك
ياللي صباحك صباح له طعم ثاني
ما الوم انا الصبح لو سلم على خدك
وأخذ يناديك هيه اصحى علشاني. - لك شوق صبح وبالمساء شوق ثاني
والله يسعد لي صباحك وممساك
ما هممني من عافني ومن بغاني
لا صرت عندي كل هالناس تفداك. - صباح الخير يا الغالي
عسى دايم صباحك خير
تركت الناس واشغالي
لأنك يا بعدهم غير.
شعر غزل صباحي
- صَباحكَ الحب يا طير الرياحينِ
وعيدُك الورد في قلبِ البساتينِ
إني أحبكَ طَيَّ الشِّعرِ أَبعثها
والحرفُ يرسل أَشواق الشرايينِ. - عطني صباحك وأخذ الوقت كله
ما فيه غيرك يجعل الوجه ضاحك
يا اللي سكنت القلب وأصبحت خله
أسعد صباحي أسعد الله صباحك. - يسعد صباح الروح لا من تغنت
باسمك وحرفك ثم جابت طواريك
هالصبح نفسي يا غرامي تمنت
مقابلة خشّتك يا رووح مغليك. - يسعد صباح منهو عزيز وغالي
ويسعد صباح منهو يتابعني بشوق
هذا الصباح قلبي من الهم خالي
فيه الوفا والطيب والعز والذوق. - انت صباحك خير ومواصلك خير
مثل التفاؤل والمطر والاماني
حتى صباح الخير مع طلتك غير
فيها قصايد واحتفال واغاني. - لك وجه ما يطلع إلا بالسنة مرّه
أجمل من الشمس بالمشرق و بالمغرب
من قال قهوة صباحي داكنة مُرّه
أنا من الضحكة و من سحرها أشرب. - احتريه في صباح النائمين
ووجهي الذابل تعابيره أفا
يا عيوني ليه باقي تحترين
لو يحبك عن وصالك ما غفى. - اخذيني معك صبح كل ما تصحى عيونك
و انا بأخذ عيونك قصيدة غزل مجنونك. - يا حي هاطله و يا حي ها الزول
يا واحد فيكم والاهوب فيكم
ودي أتكلم بس مدري وش أقول
أكتب غزل والا اصبح عليكم. - جاني وانا جامع له شعر وكلام
وسهم الغلا فيني صعد ولا نزل
من رقة الإحساس فيه يا سلام
حتى صباح الخير يحسبها غزل. - يسعد صباح اللي مسك جواله
وداعب برقه كل حرفن ب اسمي
ارسل صباحي انت لي برساله
ولافيه عرقن ما انتفض في جسمي.
قصيدة غزل للحبيب
- يسعد صباح الحب والشعر والشوق
ويسعد صباحك يا منور صباحي
مخلوق ساكن داخل أعماق مخلوق
هذا انت في قلبي تداعب صباحي. - هذا الصباح اللي يحبّونه الناس
ما هو صباح في غيابك قضيته
لو بالجفا يا سيدي ذرة إحساس
ما يترك العاشق غريب ببيته. - شمس الصباح و نورها تشبهينه
يسعد صباحك يا شبيهة صباحي
من شمسنا كـل الضيا تاخذينه
معاه خوذي لو سمحتي اجراحي. - يسعد صباحك يـا بـعـد كـل مخـلـوق
ويسعد صباحي دامني وسـط قلبك
أشتاق لك واللي ذبح قـلبي الشـوق
أقـسـم برب الـكون إنـي أحبك. - صبحية الشوق ما خلت طبايعها
مع كل فنجال قهوه جابت اخبارك
وأذكر من ابياتي اللي عنك أروعها
منزلك القلب جعله منزل مبارك. - يسعد صباحك يا اللي تقرا التغاريد
ادري وقفت الحين عندي وتقرا
هذا صباح الخير والطيب والعيد
لجل العيون اللي تناظر وتقرا. - يا نائمه جعل نومك عوافي
وإذا صحيتي شوفي اللي كتبته
يسعد صباحك يا أميرة صباحي
أنتي صباح الخير وأنتي ملاكه. - تسبق شروق الشمس طلة جبينش
تنور سما كوني واعلن صباحي
انفدا طلتش ونظرة عيونش
يا بعد اهل الجنوب وحيآتي. - جتني وانا جامع لها شعر وكلام
وسهم الغلا فيني صعد ولا نزل
من رقة الإحساس فيها يا سلام
حتى صباح الخير تحسبها غزل. - ارحبي حياك ربي يالمطلة
يا كنافه يا سكاكر يا حلاوة
صبحك رب البشر بالخير كله
بالمحبة بالمودة بالغلاوة. - يسعد مساء اللي يواصلني بذوق
ويسعد مساء اللي منور مسائي
الأولى أقولها لكل مخلوق
و الثانية لعيون روحي و حياتي. - الله يصبحكم على الخير والطيب
يا اللي لكم بالقلب حشمه ومقدار
عسى صباح اليوم ما به عواقيب
للي دعاء ربه وردد بالأذكار. - يسعد صباح اللي طلع ل الدوامات
ويسعد صباح اللي على فراش دافي
واللي طلع يا رب دربه سهالات
واللي على فراشه نوم العوافي.