شعر للخوي الكفو

الكثير منا يملك صديق كالأخ كفو وشهم وله صفات نادراً ما يجدها الإنسان في البعض، حيث يعتبر الشعر محطة لمدح خويك الطيب والكفو، وهذا ما ستجده في هذه المقالة.

شعر للخوي الكفو

امدح خويك وصديقك العزيز بما تجده فيه من صفات وخصائل نبيلة يتغنى بها الجميع.

انت الرفيق لا تاه فكري لقيتة
عز الخوي والصعيبات يحتال
عز الله انك محزمي لا بغيتة
صعب المواقف مالها غير رجال.

–

أنت الخوي اللي ع الطيب ممشاك،
وأنت الشهم اللي يعادل قبيله،
وافي مع الكل بكل المطاليب،
على النقا والطيب حبلك تمده،
أنت الكفؤ اللي يعرف المواجيب،
والمحزم اللي بالمواقف نعده.

–

يا خويي أنت فخري وعزي
أنت وحدك كون والباقيين كون
دامك أنت معي ما انا لوحدي
أنا معي كون أغلى من الكون.

–

الذيب يرقى عاليات المراقيب
والطيب كلمه والفعايل ركايب
يبقى الوفى بين النشاما مكاسيب
وانت الخوي الي تسد النوايب.

–

الخوي الشهم ما هو بداري عن غلاه
الغلا حبله قوي والعتب حبله رخو
يمكن انه يعتبرني من اعز اخوياه
بس انا في ذمتي ما عتبره الا اخو.

–

يا صاحبي يا رصيد العز والمكسب
أنت الخوي والفعل ميه علي ميه
انا مدحت الطيب والفعل والمنس
بوقفتك لي واضحة وقفه بطوليه.

–

اقدحي يا شرد الابيات و انا اخو العيال
لا دعا الداعي دعيت القصيد الخوي
نذر مال العذر عن طيب الشهم مجال
و عن مواجيب الشهامة و السنافي والخوي.

–

الخوي السنافي ما هوب داري عن غلاه
والغلا حبله قوي والعتب حبله رخو
يمكن أنه يعتبرني من أعز أخوياه
بس أنا والله اني أعده مثل إلاخو.

–

الذيب يبقى ذيب ما خاف القطط
والفرق واضح بالملامح والصفات
انا خوي الكفو، وافهمها فقط
لجل الخوي لو سال حبري للفرات.

–

انت يا الخوي اللي على الجود والطيب
انت مكانك بالقلب وما يقدر بالثمان
لو صابني جرحٌ أنت الداوي والطبيب
وإن كان في عسرٍ فأنت أول الفرسان.

–

من كان له أخ مثلك يا الخوي
فقد ملك كل السعادة
أنت أخ والأخوة ما تستوي
أنت من يقدر الأخوة في حياته.

–

عز الخوي وأشهد أنك للصعايب كفو
لك مواقفا يسولف بها جيلا ورا جيل
مالقينا منك وقت الخطأ الا العفو
صاحبي أنت وللكرم عنوان ودليل.

–

لله در الصديق الصادق الوافي
و لله در الخوي مقدر الخوة
الكفو، يبقى معك مطنوخ وسنافي
واللاش فكل لحظه يختلف جوه.

–

دام الفخر بالناس نادر وجوده
انت الفخر اللي ع الطيب ممشاك
وأنت الرفيق لا حان وقت الطناخة
وانت الخوي الي افتخر بوجوده.

–

الكفو، كفو وخوتكم ترفع الراس
ومثلكم فخر إني أناديه ي الخوي
وطبع المراجل فيكم ما تقرب العيب
لا هان من رباكم شيخ على ساس.

–

تسلم خويّ أنت نبراس الحياة
لو سار لي شيء ما غيرك يقوم
أسأل الله ربي في سماه
أن يرفعك عالي على سطح النجوم.

–

فيك الوفاء فطره تدرس للأجيال
معنى الكرم رمز الوفا والحمية
ما يلحق مدحك مدى يا شهم الرجال
المعذرة كان حصل مني تقصير وخطيه.

–

الخوي حق ن يواصل ويتعب لاخوياه
لو شغله الوقت والهم في قلبه سطا
الوفي ماله عن أهل الوفا صد وغناه
خل من روح يروح مثل سرب القطا.

–

وافي ولا يلحق جناب الوفي ذم
ونعم الخوي اللي يسد الطرايق
ويوم العرب تتعب على كسبة النعم
النعم خلف اسمك يا ابن روق لايق.

–

انا الخوي الكفو، يا الصاحب الجاحد
وسعادتي ماهي فالأصحاب منحصر
هلو كان مايقعد الا صاحب واحد
واذا قعد مرحبا واليا مشى بصره.

–

الكفو كفو وخوته ترفع الراس
ومثلك فخر إني اناديه ي الخوي
طبع المراجل فيك ما تقرب العيب
لا هان من رباك شيخن على ساس.

–

لو خوة الرجال تسوى ملايين
خوتك في عيني بمليون رجال
انت الخوي الي على الطيب ممشاك
وانت الذخر الي تعادل قبيلة.

–

انت الخوي اللي ما ينشرى بأثمان
وانت اللي بهديه من الورد ماسه
طيبك غمرني ي رفيع الشأن
الكرم مبداك وانت اهله وساسه
كل عام وانت بخير ي الوفي سلطان
قلبك رحوب ومشاعرك حساسة
لا ضاقت بي الدنيا انت ليا امان
انت مثل القمر والكل حراسه.

–

لا ضاقت الدنيا علي أنت موجود
فرجت هم بين الاضلاع ثابت
أنت البياض ب وجهة أيامي السود
ودامك خوي لي دنياي طابت.

–

طاريك عندي كنه العطر لا فاح
لك موقع بالقلب محدن يدله
انت العزيز اللي له النفس ترتاح
وانت الخوي للطيب والطيب كله.

–

الخوي الوفي لا شاف همك وغمك
نشف ريقه وكنه خمسة أيام صايم
يرتكي للحمل ويشيل همه وهمك
ويبعد الشوح ويجيب الفرج والغنائم.

–

ترى خوي المصالح ما يهرول عبث
يسعى ورى المصلحة لو يرتكب كارثه
وأما الخوي الوفي لو تزهمه مالبث
الطيب عنده غريزه والوفا وارثه.

–

الخوي اللي بحزات السعه يا طيب طيبه
وعند حزات الشدائد لا بغيته ما يشافي
الكفؤ يعرف وقوفه فالمواقيف الصعيبة
واشكر الوقت اظهر لنا ما كان خافي.

–

تشريفكم يا الخوي دايم يشرفني
حق الخوي عالخوي يظهر بوقفاته
شهادة الكفو، شرواكم تكفيني
تريح القلب من همه و حسراته.

–

خوة الطيب على الدرب ماريه
كل ما طاب الخوي طبت من طيبه
افتخر ب اسمه وذكره وطاريه
الخوي الكفو، دايم نماريبه.

–

احب القلوب الصافية والجناب الزين
واحب الخوي الذخر والمنهج الوافي
وانا يا كثر ما شفت فالوقت زين وشين
يا جعل العوافي دايمه والستر ضافي.

–

غيرت معنى الصداقة من بدا فجرك
فرقت بين الخوي والصاحب الغالي
انت المطر والرعد لا جيت باختصرك
يضيع كل الكلام اللي على بالي
مع أنك انسان واحد بس يا كثرك
كل ما تضايقت دايم تطلع قبالي.

–

الخوي السنافي، لا قال أنا بك محتزم
يبشر وحاجته في ذمتي يسري بها.

–

وانا افتخر واشوش في مدح الكف
وعز الخوي وقت الشدائد والافعال.

–

الخوي السنافي، وقف معه فالشدايد
وان تعذرت خلك صادق في كلامك
والخوي الردي دام الردى له عوايد
قله ابشر بعزك عقب فزعة عمامك.

–

السنافي، لا تفرط فيه ب أسلوبك
أكسبه بالوفاء و بفكرك الواعي.

–

لا تخاوي كون سيفن في يديك
وين ما تضرب يبين مضربه
الخوي الكفو في مخباك شيك
تاجده جاهز متى ما تطلبه.

–

نخاوي الخوي خوة الجفن للعين
لولا الجفن يصيبها عج وغبار.