القصائد الشعبية في حب واحترام وفقدان الأب كثيرة جداً لما له من منزلة عظيمة في الحياة، فهو السند والقدوة، ففي هذا المقال افضل القصائد للأب سند الدنيا، ومناسبة جدا مشاركتها مع من تحب في مواقع التواصل الاجتماعي.
شعر شعبي عن الأب
- ضمني اعله صدرك مشتاك ارد لصباي
بصدرك جنت احس الدفء واحس بأجمل إحساس
حروف اسمك مثل الورد بشفافي همسات
هو انت يا ابي الورد من يذبل يشمك ليرجع للحياة. - ابى يا صاحب القلب الكبير
يا صاحب الوجه النضير يا تاج الزمان
يا صدر الحنان انت الحبيب الغالي
وانت الاب المثالي وانت الأمير
لو كان للحب وساما فانت بالوسام
جدير يا صاحب القلب الكبير. - انا يا بوي من ونيت ما الوم . نزل مني دمع يعمي النواظر
خدودي متعودة تتندى كل يوم . وتحب الماي خشبات الكَناطر
لمت الروح بس شفادني اللوم . شلحك وبسفينة الموت عابر
المنايا عالسطح وعيونها تحوم . عليك ونزلتلك نسر كاسر
ستر الله نغط بديارنا البوم . اخذ عين الكَلاده وراح طاير
ديني حلاتك حلو الرسوم . بلكي انعشك دنيانا مظاهر
اظل كاظم وصبري وياي مكظوم . لوما هالخشب جوه الاظافر
اهن كاسين بهن كاس مسموم . خاف اغلط وبالمسموم اكاسر
بعنه البيت ريت البيت مهجوم . وريت اكثر بعد من هالخساير
تحب انت اللعب والكبر ملموم . شلون تحملت وشلون صابر
وليش من الهوى يابوي محروم . ونسمات الهوى تطيب الخاطر
من هو الشوفك صورة المعدوم . وليش تعلكَت ياشاب يا قاصر
ما ظنيت زرعي يروح فد يوم . وعصافير الحزن تكضي البيادر
من اكتب قصيده تزيد الغيوم . ومن عيني الدمع يملي الدفاتر.
قصائد شعبية عن الأب الغائب
- العين صبت دمع ما مس جفنهه النوم
من شفت اني الأبو خالي مكانه اليوم
يا بويه وين ارحلت والمن عفت الهموم
او تدري اني من الحزن متعذب او ملجوم
بعدك أذل او علي واكضي العمر مسكوم. - ما ظن بعد وسط العين ظل ماي
يشمعة الدنيا بغيابك ظل ماي
ما سامع يبويه ابيوم ظل ماي
الظل لشجر واضح هوه فيه
وادري انته في الشجر واكثر بعد منه
ويامه اني يمك نمت ولفيك اتعنه
لن انته طينك وفه اوتنكط امحنه
بعدك حزين الكلب ودموعي چونه
والكلب بطل يدك والدك صبح ونه
مو هين يبعد الروح بعداك
يبويه الدمع سوه انهار بعداك
وعسى الي بيك صاريصير بعداك
يموتون العده وتظل اليه.
شعر شعبي عن الأب المتوفي
- وداعا أبي للقاء إلى الحشر
وإن كان في قلبي عليك لظى الجمر
صبرت لأني لم أجد لي مخلصا
وما من حيلة لي سوى الصبر
تراك عيني في الفراش موشحا
على وجهك المحزون أوسمة الطهر
براءة عينيك استثارت مشاعري
وفاضت بأنهار من الدمع في شعري
تعاصرني ذكراك ياساكن القبر
وتجتاح أعماقي وإن كنت في الأسر
تمنيت حتى وقفة عند نعشه
ترد إلى نفسي الذي ضاع من صبري
تمنيت ما نالت ألوف توجهت
إلى ربها صلت عليك مع الظهر
تمنيت كفا من تراب أحثه
على قبرك الميمون طيب من قبر
كأنكم اخترتم زمان رحيلكم
بعيد صلاة الليل والخير والصبر
غسلتم بصافي الدمع صافي قلوبكم
فشعشع فيها النور كالكوكب الدري. - مر بينه أو خذاك الموت وتعده
يا موت اعلى هونك سيفك اشحده
أحباب ﺍﻭﻛﻌﺪﻧﻪ اوﻛﻠﻨﻪ ملتمين
ﻃﺒﻴﺖ ﺍﻭﺧﺬﻳﺘﻪ ﺍﻭﺧﺮﺑﺖ ﺍﻟﻜﻌﺪﻩ
ﺗﻄﺐ ﺩﻭﻣﻚ ﻏﻔﻞ ﻳﻤﻔﺮﻕ الأحباب
وتخلي الناس كلمن دمعته ابخده
ﺷﺎﻫﺮ سيفك أو تفجع بالولايات
ولا ف يوم سيفك بايت ابغمده
ويا موت اعلى هونك تدري بينه أضعاف
لو مانته واحد ﺣﻴﻠﻨﻪ ﺍﻳﻬﺪﻩ
و يا موت البشر من عاطفة او إحساس
من دم أو لحم من صخر ﺟﺒﺪﻩ
ولو مانته ميت مو سهل ننساه
تذوب ارواحنه وتتكطع الفكده
ﺍﻭﺍﺣﺪﻧﻪ ﻛﻀﻪ ﻣﻦ ﻣﺮﺍﺩﻑ ﺍﻟﺼﺪﻋﺎﺕ
ﺟﺜﻴﺮﺍﺕ ﺍﻟﻨﻮﺍﻳﺐ ﺿﺎﻋﺖ العدة
والراحل تركله بكل كلب بصمات
ﺑﺬﺭ ﺑﺬﺭﺓ ﻣﺤﺒﻪ ﻭﺷﺠﺮﺗﻪ ﺍﻣﻮﺭﺩﻩ
ﺳﻮﺍﻟﻴﻔﻪ ﺗﺪﻭﺭ ﺑﻜﻞ ﺭﻛﻦ ﺑﺎﻟﺒﻴﺖ
ﻭﺣﻨﻴﺘﻪ ﺗﺪﺍﻭﻱ ﺍﻟﺠﺮﺡ ﻭﺗﺸﺪﻩ
ﻳﺎ ﺳﻠﻮﺓ ﻫﻠﻚ ﻣﺎ ﺍﺿﻦ ﻟﻴﻨﻪ ﺍﺗﻌﻮﺩ
ﻭﺍﺿﻦ ﻣﻬﺮﻙ ﺧﺬﺍﻙ ﺍﻭﻣﺎ ﺑﻌﺪ ﺭﺩﻩ
ﻭﺿﻠﻴﻨﻪ ﻧﺘﺎﻧﻲ ﺍﻣﺠﺬﺑﻴﻦ ﺍﻟﺼﺎﺭ
ﺍﻭﺋﻴﺴﻨﻪ ﺻﺪﻙ ﻣﻦ ﻃﺎﻟﺖ ﺍﻟﻤﺪﻩ
ﻭﺍﻟﺪﻓﺎﻥ ﺭﺍﺟﻊ وحده ﺍﺑﻨﺺ الليل
وصعبة على الدفان من يرجع ابوحده
شعر عراقي عن الأب المتوفي
- ماردت القدر يبعدني عنك يوم
وماردت السعادة تعوف بيباني
يا ليل الأمان الما تمرّه غيوم
ويا حظرة حنين بحظنه دفّاني
يا أجمل قصيدة وبالوزن محكوم
ويا أروع ندى اعلى أوراق بستاني
يا نبع الكرم محتاجتك هذا اليوم
مو تدري بغيابك طاحت أركاني
يا أجمل حلم وسط الجفن مرسوم
رحت والصور ظلت فوك حيطاني
الك حنيت يا بوية اعلى بختك كوم
عفتني ويتمتني وضاع عنواني
أفز من نومي وأسمع صوتك المهموم
وأفكدك وأرجع أغرك ويه أحزاني
صرت أنعاك وأبجي اعليك من دموم
وآنه القلم صار اليوم ينعاني
ردت أشريك بس اشبيدي ع المقسوم
يالفركاك هبّط راسي وأذاني
بس انته أصبحت طير بجنان يحوم
وهذا الذي مسّكن نوحي وأشجاني. - ابوي اشكد حنون ايفيض وجدان . وابوي أصحابه تتباها ابصفاته
كريم ايجود حتى ابلكمة اعشاه . وقف للناس ناذر كل حياته
اذا يسمع طفل فد يوم جوعان . توكف لكمته ابطارف لهاته
من يوكف يصلي اتفيضه الدموع . او تصير ادموعه سجادة صلاته
يشماغه بخت وعكاله شارات . صر اهموم ربعه ابسد عباته
شريعة تشع امل وشراع بالريح . لجل الناس ناكر دوم ذاته
وابوي الغيره عنده اجروف نهران . منها اصحابه تغرف والشماته
وابوي اشيكصي وكته ايكوم تفاك . يتوچه اعلى جرحه ابكل رهاته
سمح يلكه العذر لليخطي وياه . عفه اوحلمه چرچوبة سماته
ماسد باب جوده ابشحة الجود عنوان . الكرم كل ذكرياته كل شبه
ابمظيفه اعدال ديوان غاص . امن الزلم حتى ابمماته
وابوي الخير بيده اشيكرم ايزود . مثل حري العراق اومي فراته.