بعض الفراق يبكيك وبعض الفراق يفرحك ويا شين الفراق لمن تجبرك ظروفك ويا زين الفراق لمن تفضح الأيام خيانة محبوبك فراق يقهرك وظروف تعاندك وفراق.
قصائد فراق وعتاب
- حينما عشقتهم خذلوك
وحينما عشقتك خذلتني
رغم عشقك لهم باعوك
ورغم عشقي لك خنتني. - الله يا مصعب فراق المواليف
لا صار غالي فارقه شوف غالي
هو يتقهو من دلاله علي الكيف
وانا اتقهو من همومي لحالي. - أسعى ورا الوصل وأدور فراق الفراق
معاك ياللي لك بخفاقي أكبر قسم
مشتاق لك حيل والله يقطع الاشتياق
يخلي الشخص لا يرقد ولا يبتسم. - فراق وحنين وضيق خلق وتعب وارهاق
صروح الامل من واهج البعد منهدمه
عسى الله يقطع سيره العشق ي عشاق
سراب دروبه والثقة فيه منعدمه. - مستريح البال والوقت معروف
والزمن مهما غدر بك لا تضيق
النصيب يصيب لو جاتك ظروف
والفراق فراق لو زان الطريق. - جرحك وصل ماله داعي التلميح
ايه اشوف انك بعيني خنتني
ما بقى من عمر العلاقة غير تجريح
تبي تحبها حبها وفكني. - صدو ولا قالوا لنا ليش صدو
وحنا بعد جاز الفراق ونسينا
شالوا على سود النوايا وشدو
وحنا على بيض النوايا بقينا. - ليه العمر يوقف على لحظة فراق
وليه الشعور اللي هجرته يجيني
وليه الأماكن ضمت الصمت بعناق
وليه المشاعر عاتبه ما تبيني.
قصائد عتاب للخائن
ناس تقول الحب راحه
وناس تقول الحب عذاب
ما دريت اين الصراحة
ما دريت اين الصواب
ما القضية يا حبيبي
دلني اين الجواب
خنتني من غير داعي.
ان خنتني والله ما خونك ولو خنت
دام الخيانة شيء يمشي بدمك اعرفك
قول انت انت بس أنت من انت
صدمه ويرحم لي ابوك انت وامك.
من يقول إني على حطة يدك
وأنت عمرك ما صدقت و جيتني
لا تقول اشتقت لا تقول افقدك
قول خانك من عشانه خنتني.
نفرض أنك ف المحبة خنتني
وأنك تظن قلوب البشر للجرح معروضه
إذا ف الهوى وشرعه أبد ما صنتني
وشلون تأدي واجبات الدين وفروضه.
كل هذا الحب و مع ذلك تخون
خانتك دنياك دامك خنتني.
خنتني يا صاحبي حسبي عليك
نم ولكن عين ربي ما تنام
الخيانة دامها منك وفيك
ادعي المولى يجنبني الحرام.
خنتني مبروك يعني شختلف
هذي الدنيا وهذا الكون كون
تحسب آن قلبي من الصدمة وقف
ما تأثر بس عرفتك من تكون.
ثنتين بالدنيا ترى مآلها طب
خيانة الصحبة، وفراق الحبيب.
يوم حبيتك حبيتك بكل احساسي
ويوم خنتني تخلو عني كل حواسي.
اسفاه يامن خنتني وغدرتني
كيف الخلاص الي فراقك دلني.
نسيت أنك حبيبي
كثر غدرك يا ظليمي
نسيت أنك خنتني
كثر غدرك يا طيبي.