قصائد عن الخيانة خليجية
قالوا تحب وقلت ما حولنا حب
الحب ضايع في زمان الخيانة
الحب شرق ودربنا وجهته غرب
خل العلاقة في حدود الميانه.
عهد المحبة قد طويته في يديك
و درب الخيانة ابتديت تسير صوبه
و انا على عهودي لو اني ما لقيت
منك الوفاء وما قول من حبك التوبة.
انا اشهد إن جوارهم يشرح الصدر
أهل العهود الوافية والمواثيق
ما سايرو درب الخيانة ولا الغدر
تبشر بهم في ساعة العسر والضيق
تظهر لهم حشمة وتحمل لهم قدر.
بعد هذا العمر تسأل ليه اصونك
اعترف لك كنت احبك للأمانة
كل شيء بيدي وكنت اقدر اخونك
بس انا اكبر من تفاصيل الخيانة.
سكرت باب من زمن كان مفتوح
واخترت أعيش الوقت كله بدونك
لا تفتكر برجع ولو جيت مجروح
برد لك وضع الخيانة وأخونك.
انتشابه بالقصص كل واحد وقصته
طبع الخيانة غدر الحب ما منه مفر
انت نهاية قصتي انت بداية فرحته
ما عاد احتاجك انا لمني جرح وسفر
الليل اظلم ناظري الوقت باقي ساعته
كم قلت في بعدك انا يتيم حظ وعثر.
أتعلم يا فؤادي ما الخيانة
ألا تكون بحبها مفتون
فلو أدركتها بالعمر سجانه
كن به عاشقا مسجون.
لا تلوح بالندم عند الرحيل
الخيانة مالها عندي عذر.
انجرح يا قلب من نار الخيانة
بس خلك مثل ما عرفك نظيف
الجبل ثابت ولا اهتز بمكانه
والرياح تشيل كل شيء خفيف.
عمر الوفا ما كان غلطه ولا عيب
يمكن يكون ان زاد ذل و إهانة
كل الجروح تمر الأيام ، وتطيب
الا الجروح اللي سببها الخيانة.
ألا ليت شعري هل يرى الناس ما أرى
أرى المروءة وإدت وبحر الخيانة قد جرى
أرى أناس تكالبوا على دنياهم
وكأنهم مخلدين فوق الثرى.
خذتني للجفا عزه و اخذني للعناد غرور
واخاف أكون بعنادى حبيب و مات بغروره
وإذا كانت مسافات الخيانة للغرام قبور
وش اللي يجبر العاشق يخون ويحفر قبوره
مدام انتي محبينه و عشاقه و جمهوره.
سلمت لك قلبي ووصيتك عليه
قلبن سليمن ما يعرف الخيانة
امسك وصاتي ثم حبه وداريه
وان جاز لك خله بصدرك امانه.
لا تدعي بالطيب ما هو بلايق
اسمك مسح فعل الخيانة حروفه
والعشرة الي بعتها في دقائق
لأبوها عشرة ما عليها حسوفه.
من كثر ما شفت بحياتي تعودت
وأصبحت ما اعد الخيانة خيانة
واللي هجرني، عنه عادي تصددت
بيني وبين الجرح صارت ميانه.
يا قاسي القلب علمني وش اخبارك
عله ذنوبك بقلبي تعمي عيونك
حتى ولو ما مشيت بحسب معيارك
ليه الخيانة يا ليت الفاهر يخونك.