قصيدة حزينة عن التعبير عن الشوق لذلك الميت الذي أخذ قلوبنا معه، أو أخذت، لتلك الروح الجميلة التي لم ننساها أبداً ولن ننساها وخاصتاً ذكريات الميت الجميلة.
قصائد شوق لشخص ميت
أرى الحزن لا يجدي على من فقدته
ولو كان في حُزني مزيدٌ لزدته
تغيرت الاحول بعدك كلها
فلست أرى الدنيا على ما عهدته
أردت لك العمر الطويل فلم يكن
سوى ما أراد الله لا ما أردته.
لا ما نسيتك كيف أنساك ما دام
ذكرى الفراق تهزني لو نسيتك
كن العيون من النظر عقبك أيتام
وكني ما رأيت إلا أنت من يوم ريتك
وكنك معي وأنا فقدتك من أعوام
مع الخيال ألقاك كني لقيتك.
آمنت بأن الوداع اقسى ظروف الحياة
وان أصعب شوق شوق الحي للميت.
اسأله يا قلب للميت بعد موته رجوع
واسأله لو ما رجع يا قلب نقدر نوصله
واسأله للقبر مفتاح معه باب وطلوع
وان تعذر قله انه مجرد مسألة.
هو يحسبني مع الموت بنساه
والله لو اضحك مع احفادي ما نسيتك.
رغم المجالد والتعب والمعاناة
وطول السنين وغيبتك ما نسيتك
نعم بكيتك مره وعشر مرات
وللآن لا مني ذكرتك بكيتك.
والله إني ما نسيتك يا فقيدي وما سهيت
كيف بنسا حرقة فراقك وانا بعدك كسير
من بعد موتك مريض وكل ما تطري بكيت
ما حسبت حساب فقد وما هقيت انه يصير
كل ما حاولت اسلى من همومي ما سليت
عودت بي الذكريات تطحن الضلع القصير.
فقدتك ولكن ما فقدت الغلا والشوق
وحتى لو انك بعيد ، زولك تهيا لي
مادام القمر في كل ديره مكانه فوق
أبرفع عيوني فوق واشوفك قبالي.
على ملامح صورتك غبت ساعات
وامسي على ذكراك و القلب سالي
حجرت دمع العين بالعين بسكات
و الشوق هز الوجد والدمع سالي.
ما نسيتك للحينك تملاني حضور
ومن بعد موتك، للحيني ما أملك شعور.
فقدتك حيل واشتقت لك حيل
والشوق جرح للقلوب الرقيقة
أشتاق لك من طلعت الصبح لليل
وأتخيلك في الثانية و الدقيقة.
فقدتك والشوق ماله نهاية وادري
مستحيل انك تجي بس انتظرتك.
أي والله ابكي ليتني ما فقدتك
واي والله ان ما جبر خاطري شي
كل ما سجدت لوجه ربي ذكرتك
يا الميت اللي باقي في داخلي حي.
وينك يا بعد كل من غادر دنيتي
اشتاق لك والشوق عذب الكياني
ولو أقول اني فقدتك حيل
بترجعين لي اضمك من جديد.
يشهد الله ما نسيتك من دعاي
والدعاء بالغيب حُب الصادقين.
حس الألم في داخل الروح بك ضج
ونادت عليك اوصال قلبي وعانيت
يا ليت لك صدري من الشوق ينفج
وتشوف بعيونك تعابير ما خفيت.